خلطة زيوت تنعيم وتطويل وتكثيف الشعر

السلام عليكم ورحمة الله وبركاته
جبتلكم خلطة زيوت لتطويل وتنعيم وتكثير الشعر قسم بالله ماكتبت الوصفه الا بعد ما جربتها على نفسي ماشاء الله تبارك الرحمن بعد رابع استخدام والله حسيت بتحسن ولله الحمد والسالفه اني كنت مره اتصفح في المنتديات ولقيت خلطة زيوت قلت خليني اجربها بالذات انه كان شعري ثقيل ومع التساقط صار نص شعري مع انه ماكان لي لافي الزيوت ولا في هالخرابيط كلها بس بعد ماجربت هالخلطه ماصرت استغني عنها المهم ان هذا الموضوع وحده كاتبه عنه وتقول ان اختها مجربتها وشعرها صار تمام معها فارجو منكم الدعاء لها ولي وهذي خلطة الزيوت
زيت اللوز للشعر
زيت السمسم
زيت الجرجير
زيت الاس
زيت النارجين
زيت الشمطري
زيت الخروع للشعر
زيت اكليل الجبل
طبعا اخلطي هالزيوت مع بعض بكميات متساويه وحطي في شعرك من اربع ساعات الى ست ساعات
وفيه شي ثاني انا استخدمه تجيبين عشبة الاس وتطحنيها وتاخذي كل كاسة من العشبه المطحونه عليهااربع كاسات مويه وتنقعيهم مع بعض في الثلاجه لمدة 24 ساعه بعدين صفيهم وحطي في شعرك الى ان يتشرب شعرك وينشف اغسليه من شعرك
طبعا انا استخدم يوم الزيوت ويوم العشبه ومابان معي الفرق الا بعد رابع استخدام ولله الحمد
موتستخدمي الخلطه من اول يوم وتقولي ماناسب استمري وان شاءالله بتشوفي الفرق
عموما يمكن تقولو من فين نجيب كل هالزيوت لاتخافو انا لما شفت اسامي الزيوت توقعت انها من كوكب ثاني بس طلعت كلها معروفه عند العطارين يعرفونها مثل مايعرفون البيبسي
عموما انا طولت عليكم لكن العذر والسموحه بس حبيت الشرح يكون وافي راجية منكم دعوه صالحه وصادقه والسلام عليكم ورحمة الله وبركاته ارجو التثبيت